Faraz

khaatin hai rah-guzr, thori dooR sath chalo
bohut karra hai safr thori dooR sath chalo

tamaam umr kahaan koi sath dai-ta hai
yeh jan ta hooN magar thori dooR sath chalo

Nashe mein choor hooN mai bhi tumhein bhi hosh nahin
baRRa maza ho agar thori dooR sath chalo

yeh aik shub ki mulaqaat bhi ghaNimat hai
kise hai kal ki khabr thori dooR sath chalo

abhi to jaag rahae hein chiragh rahooN ke
abhi hai dooR sahr thori dooR sath chalo

tawaf-e-manzil-janah hamein bhi karna hai
Faraz tum bhi agar thori dooR sath chalo

 (Tunha Tunha #45)

khaatin = difficult, hard
ghaNimat = blessing

NEXT GHAZAL       0 1 2 3 4 5 6 7 8 9 10          PREVIOUS GHAZAL

              BACK TO GHAZLAS PAGE                              BACK TO GHAZLAS PAGE